Pơma ah hop akŏm, Kơdră Kuôk hô̆i Vương Đình Huệ tơrĕk, Jơnŭm jang vei lăng kon pơlei dêh char Quảng Trị kăl pơtoi băt hơdăh păng pơm hơdăh, pơgơ̆r pơm kiơ̆ tơnăp dôm Tơchơ̆t đơ̆ng Đảng, dôm tơchơ̆t đơ̆ng Trung ương, Tơchơ̆t 'măng hop akŏm mă 5 Kuôk hô̆i jăl 15 'nao đei hơlen vă pơm hơdăh Tơchơ̆t đơ̆ng Jơnŭm jang vei lăng kon pơlei dêh char lơ̆m rim tơdrong.

Pơtoi tơplih 'nao pran kơtang, hơtŏk pơ-'lơ̆ng đei jơnei tơdrong jang kơ Jơnŭm jang vei lăng kon pơlei lơ̆m tơdrong tơchơ̆t dôm tơdrong kăp gĭt kơ tơring. Akŏm pơklaih dôm tơhlăk tăk, hlôi đei tơbang hơdăh, pơtoi keh đang vă tơchơ̆t hơtŏk tơ-iung dêh char Quảng Trị, hơtŏk tenh dôm tơdrong asong jang, ming man tơdrong kăl gah mŭk drăm tơpôl, mă kăl noh dôm tơdrong jang kăp gĭt kơ dêh char; dôm tơdrong tơchơ̆t jang kơ teh đak, tơdrong hơmet păng hơtŏk mŭk drăm.