Kơdră Kuôk hô̆i Vương Đình Huệ năm hơpong anih jang hơlen tơ̆ ‘măng sơlam apŭng plenh teh Mộc Bài, Tây Ninh
Thứ năm, 10:24, 04/01/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Pơtoi kơ dôm tơdrong năm hơpong păng pơm jang tơ̆ dôm dêh char Hlĕch Pơbăh, kơsơ̆ ‘năr brei (3/1), Kơdră Kuôk hô̆i Vương Đình Huệ păng Khul kơpal hlôi tơjrơ̆m dôm bơngai jang hơlen tơ̆ ‘măng sơlam apŭng plenh teh Mộc Bài; năm akŏm tơdrong tơguăt tơguăl khul linh – kon pơlei sơng kơkuh tơbăt 65 sơnăm năr juăt jue ƀô đô̆i vei sơlam teh (3/3/1959 -3/3/2024); asong tơmam ăn 100 unh hnam hin dơnuh, unh hnam tơnap tap tơ̆ tơring sơlam teh kơ apŭng Bến Cầu, Tây Ninh.
Tơ̆ jơ tơjrơ̆m hăm jơnŭm jang hơlen, Kơdră Kuôk hô̆i Vương Đình Huệ hơpơi ‘meh Jơnŭm pơgơ̆r, bơngai jang hơlen athei jang tơnăp tơdrong vei lăng ‘măng sơlam Mộc Bài; atŭm hăm boăl pơjing trong sơlam teh sơđơ̆ng, rơngei, jang hadoi, tơƀôh đon bơnôh ‘lơ̆ng đơ̆ng Việt Nam hăm Campuchia pơma hơdrô̆, 3 teh đak Việt Nam – Lào - Campuchia pơma hơtŭm.
Hơmet Têt Nguyên đan tŏk bŏk jê̆ truh, Kơdră Kuôk hô̆i hơpơi ‘meh tơring pơm kiơ̆ trŏ tơchơ̆t đơ̆ng Ƀan ƀĭ thư năm hơpong Têt hăm kon pơlei kiơ̆ tơchơ̆t “bu bu adoi đei Têt”.
Viết bình luận