Tơ̆ jơ pơm jang, Kơdră Kuôk hô̆i Vương Đình Huệ pơkăl, Anih tơm pơgơ̆r linh vei lăng teh đak, Anih tơm jang Kŏng ngĭp vei lăng teh đak pơtoi hơlen pơkăl Kuân uy Trung ương, Anih tơm pơgơ̆r linh vei lăng teh đak tơgŭm hăm Đảng, Teh đak sơkơ̆t trong pơm jang gah pơjing păng hơtŏk jang kŏng ngĭp vei lăng teh đak kiơ̆ trong hơdrin kơchăng; gơh chă hơlen, pơm tơlĕch phao kơtuang, kơmăi kơmŏk kih thuơ̆t 'nao kiơ̆ tơdrong pơkăl jang kiơ̆ trong jang 'nao kơ Khul linh păng tơdrong jang kiơ̆ kŏng ngĭp kơ teh đak, tơ-iung păng vei lăng teh đak lơ̆m chăl hle dang ei.

 Atŭm hăm noh, kăl akŏm tơgŭm ăn trong tơchơ̆t jang hơtŏk kŏng ngĭp vei lăng teh đak. Kơdră Kuôk hô̆i lui ngeh akhan, Anih tơm Kŏng ngĭp vei lăng teh đak hơnơ̆ng hơtŏk tơguăt tơguăl, pơjing Anih jang hlăng 'lơ̆ng, pran kơtang, pơtrŏ hăm tơdrong pơkăl tơ-iung pơjing Khul linh 'nao gơh hơgei, hơbĕch hơbal, tơgăl hăm đon lui kơ Đảng, Khul kơpal teh đak păng Kon pơlei.