Pơma dơnuh hăm yă Nguyễn Nguyệt Tuệ (bơngai chih văn Nguyệt Tú), hơkăn nhap ƀok Kơdră Kuôk hô̆i Lê Quang Đạo păng Giáo sư, Ƀak sih Bùi Nghĩa, kon drănglo nhap Kơdră Anih juăt jang Kuôk hô̆i Bùi Bằng Đoàn, Kơdră Kuôk hô̆i Vương Đình Huệ tơroi, Anih juăt jang Kuôk hô̆i păng dôm anih jang đei tơrĕk dih băl tŏk bŏk oei hơmet ăn Lêh tơbăt 80 sơnăm Năr Pôk rơih mă blŭng Kuôk hô̆i Việt Nam (6/1/1946 – 6/1/2026).  Kuôk hô̆i tŏk bŏk pơgơ̆r chih akŏm kơsơ̆p săch Hnưr hơrih 80 sơnăm Kuôk hô̆i Việt Nam, lơ̆m noh đei tơdrong kăp gĭt gah nhap Kơdră Anih juăt jang Kuôk hô̆i Bùi Bằng Đoàn păng nhap ƀok Kơdră Kuôk hô̆i Lê Quang Đạo.

Ƀơ̆t hơmet sơng sơnăm ‘nao Giáp Thìn, Kơdră Kuôk hô̆i Vương Đình Huệ thơ thâu hăm unh hnam nhap Kơdră Anih juăt jang Kuôk hô̆i Bùi Bằng Đoàn păng unh hnam nhap ƀok Kơdră Kuôk hô̆i Lê Quang Đạo grăng pran ling lang, pơtoi tơgop kăp gĭt lơ̆m tơdrong tơ-iung pơjing teh đak kiơ̆ tơdrong hơpơi ‘meh đơ̆ng nhap Kơdră Anih juăt jang Kuôk hô̆i Bùi Bằng Đoàn păng nhap ƀok Kơdră Kuôk hô̆i Lê Quang Đạo.