Pơma tơ̆ hop akŏm, Kơdră Kuô̆k hô̆i Vương Đình Huệ pơma hơdăh, ‘nâu jĭ tơdrong jang tơbôl gĭt kăl đơ̆ng Kuô̆k hô̆i hlôi đei Anih tơm Chinh trĭ drơ̆ng nơ̆r, Kơdră Kuô̆k hô̆i athei dôm anih jang đei ƀơm truh akŏm jơhngâm bơ̆ jang mă ‘lơ̆ng, ưh lăp hơdrô̆ Kuô̆k hô̆i, khul bơngai mơlôh đĕch mă oei vă roi tơƀôh um ai tĕh đak, kon bơngai Việt Nam hai.

Kơdră Kuô̆k hô̆i tơtă, khei ‘năr hơmet ăn Hop akŏm ưh pă đei lơ, athei hơmet mă ‘lơ̆ng rim tơdrong vă gơ̆h pơgơ̆r ‘lơ̆ng hop akŏm. Kơdră Kuô̆k hô̆i Vương Đình Huệ athei, Anih jang tơbôl kơ Kuô̆k hô̆i athei tơchĕng hơlen, chih iŏk tơdrong kăl, trong jang hơiă lơ̆m 8 ‘măng pơgơ̆r hop akŏm adrol ki, đei hloi trong chih tơlĕch Nơ̆r tơbăt atŭm; pơm hơdăh hơnăn, tơdrong vă pơma nuh lơ̆m 4 ‘măng bơ̆ jang, tơchĕng hơdrol hơnăn vă tơlĕch Nơ̆r tơchơ̆t Hà Nội.