Pơma ah hop akŏm, Kơdră Kuôk hô̆i Vương Đình Huệ hmach bơnê kơ Măt trâ̆n tôh kuôk Việt Nam, rim anih vang jang hlôi băt hơdah tơchơ̆t đơ̆ng Hop akŏm mă 13 kơ Đảng gah iŏk jang kiơ̆ hiôk hian chuh nghĩa xah hô̆i, pơjing păng hơtŏk jơhngơ̆m pran tơguăt tơguăl tôm kon pơlei, pơm jang đei jơnei tơchơ̆t “Đảng pơgơ̆r, Teh đak vei lăng, Măt trâ̆n tôh kuôk păng dôm anih jang chĭnh trĭ - tơpôl noh dơnơm” păng tơchơ̆t jang: “kon pơlei băt, kon pơlei pơđăp, kon pơlei jang, kon pơlei hơlen, kon pơlei dăr lăng, kon pơlei iŏk yua”.

Lơ̆m khei năr truh, Kơdră Kuôk hô̆i Vương Đình Huệ athei 2 anih jang pơtoi hơtŏk jang hadoi lơ̆m tơdrong kơhret kơjăp tơguăt tơguăl tôm kon pơlei. ‘Nâu jing tơdrong juăt jue kăp gĭt, trong jang dơnơm kơ Đảng; jơhngơ̆m pran tih tên, pơkăp tơdrong đei jơnei lơ̆m pơm jang păng vei lăng teh đak.