Kơdră Kuôk hô̆i sơkơ̆t hơdah, Anih tơm jang Pơgang Hơmet jĭ jăn hlôi akŏm tơgŭm ăn Jơnŭm pơgơ̆r teh đak pơtruh ăn Kuôk hô̆i hơlen tơbang Luơ̆t khăm hơmet jĭ jăn (hơmet tơplih). ‘Nâu jing gru kơnăl kăp gĭt truh tơdrong hơtŏk gah tơdrong jang pơgang hơmet jĭ jăn, pơm trong pơkăp gah luơ̆t gơh ƀônh hiôk ăn dôm anih khăm hơmet jĭ jăn. Tơdrong mă âu sơkơ̆t tơdrong hơdrin đơ̆ng Kuôk hô̆i păng Jơnŭm pơgơ̆r teh đak lơ̆m tơdrong chih akŏm păng tơbang Luơ̆t.

Khei năr truh, Kơdră Kuôk hô̆i Vương Đình Huệ pơkăl: Anih jang Pơgang Hơmet Jĭ jăn pơtoi jang tơnăp tôm tong sơnong jang kăp gĭt kơ minh anih hơnih jang pơgang hơmet Jĭ jăn, pơm kiơ̆ nơ̆r tơtă đơ̆ng Ƀok Hô, gah dôm tơdrong Tơchơ̆t đơ̆ng Đảng gah tơdrong jang pơgang hơmet jĭ jăn. Tơchơ̆t kơsô̆ 20 sơkơ̆t hơdah pơjing tơdrong jang pơgang hơmet jĭ jăn Việt Nam gơh hơgei, tơnăp hăm kon pơlei, hăm tơchơ̆t kăp gĭt noh vei lăng ‘lơ̆ng jơhngơ̆m jăn păng tơdrong hơrih ăn kon pơlei.