Pơgê năr 1/12, Kơdră Kuôk hô̆i Vương Đình Huệ pơgơ̆r lêh sơng kăp gĭt, đơ̆ng rŏng kơ lêh sơng, ƀar Kơdră Kuôk hô̆i hlôi tơlĕch pơma đam. Ƀar Kơdră Kuôk hô̆i adoi sơkơ̆t hơdah gô hơtŏk hloh dơ̆ng tơdrong jang hadoi kơ 2 teh đak lơ̆m khei năr truh.

Ƀar pah atŭm drơ̆ng nơ̆r kăl pơtoi hơtŏk tơguăt, lui ngeh gah chĭnh trĭ; jang hadoi pơm kiơ̆ tơnăp dôm Tơchơ̆t atŭm, dôm Tơchơ̆t pơdrơ̆ng, mă kăl noh Tơdrong Tơdrong tơƀơ̆p đơ̆ng Kơdră kơpal kơ 2 Đảng ah sơnăm 2023, Tơchơ̆t kơ Tơdrong tơƀơ̆p đơ̆ng Kơdră kơ 3 Đảng Việt Nam – Campuchia – Lào. Việt Nam - Campuchia hơtŏk pran tơdrong vei sơđơ̆ng tơpôl, lăng âu jing sơnong tơm kơ tơdrong tơbôl kơ 2 teh đak, hơnơ̆ng jing anih gơnơm kơjăp ăn dih băl lơ̆m tơdrong vei sơđơ̆ng tơpôl teh đak, tơjră hăm tơdrong tơnap tap lơ̆m vei sơđơ̆ng tơpôl ưh kơ trŏ; hơtŏk jang hadoi gah vei sơđơ̆ng mạng; pơtoi jang hadoi pơjing tơring sơlam teh sơđơ̆ng rơngei, hơtŏk tơ-iung.