Tơ̆ jơ pơma đam, 2 pah adoi drơ̆ng nơ̆r pơtoi hơtŏk jang hadoi kiơ̆ rok trong so sơ̆ hăm Campuchia, pơđĭ hăm Đảng, Kuôk hô̆i, Jơnŭm pơgơ̆r teh đak păng akŏm pơma dơnuh kon pơlei, mă kăl noh hơtŏk tơdrong tơjrơ̆m đe kơdră kơpal kơ 2 Đảng, ‘măng hop akŏm mă 13 Hop akŏm Anih jang hadoi Việt Nam-Campuchia gah tơdrong jang hadoi mŭk drăm, tĕch pơdro, asong jang, joh ayŏ, khua hŏk păng kih thuơ̆t, Hop akŏm dôm dêh char tơring sơlam teh.

Ƀar pah pơtoi jang hadoi đei jơnei tơnăp đơ̆ng Anih tơm Linh, Anih tơm Kŏng an, Anih tơm jang tơbôl Việt Nam hăm Anih tơm Linh, Anih tơm Nô̆i vŭ, Anih tơm jang tơbôl păng Jang hadoi apŭng plenh teh Campuchia; jang hadoi atŭm hơtŏk jang lơ̆m tơring sơlam teh kơ 2 teh đak jing tơring rơngei hiôk hian păng hơtŏk tơ-iung. Kơdră Thươ̆ng viê̆n Campuchia hơpơi ‘meh, 2 pah atŭm jang hadoi vă tang găn tơdrong tĕch răt ma túy. Ƀar kơdră drơ̆ng nơ̆r hăm tơdrong mă 2 teh đak atŭm jang hadoi kơjăp, tơgŭm teh đak Lào iŏk jang tơnăp tơdrong jang Kơdră ASEAN, Kơdră AIPA 2024 păng hơtŏk tơdrong tơguăt tơguăl dôm teh đak ASEAN.