Kơdră Kuôk hô̆i Vương Đình Huệ pơma hơdăh, lơ̆m trong jang tơbôl đơ̆ng bơ̆n, Việt Nam ling lang lăng kăl păng tơgŭm hơdrol hơtŏk tơiung tơdrong pơvei hăm teh đak Đức, teh đak tih hloh tơ̆ châu Âu păng lơ̆m apŭng plĕnh teh; ling lang pơm ‘lơ̆ng gĭt kăl tơdrong pơvei jang hơdai gĭt kăl hăm Đức lơ̆m đĭ đăng dôm kênh Đảng, Kuôk hô̆i, Khŭl kơdră teh đak păng tơƀơ̆p pơma dơnuh đơ̆ng kon pơlei.

Tơ̆ jơ pơma dơnuh, 2 kơdră chĕp kơ̆l lăng ‘lơ̆ng jơnei jang hơdai tih tên, tôm tơdrong iŏk đei lơ̆m vă jê̆ 1 puăt anglŏ jang hơdai kŭm nhen lơ̆m hloh jĭt sơnăm 2 teh đak hơtŏk tơdrong pơvei tŏk jang hơdai gĭt kăl. Kơdră Kuôk hô̆i athei, Kuôk hô̆i 2 teh đak hơtŏk loi dơ̆ng  jang hơdai dăr lăng păng athei bơ̆jang kiơ̆ dôm tơdrong drơ̆ng nơ̆r jang hơdai mă Khŭl kơdră 2 teh đak hlôi kĭ pơkăp, dôm tơdrong jang hơdai gĭt kăl.