Tơ̆ jơ pơma dơnuh, 2 kơdră chĕp kơ̆l hlôi pơma dơnuh păng drơ̆ng nơ̆r găh dôm trong jang  pơtrŭt jang hơdai 2 pang tơ̆ hơnăp kơnh vă tơgăl hăm tơmam đei ‘lơ̆ng tih tên kơ 2 teh đak. 2 Kơdră chĕp kơ̆l drơ̆ng nơ̆r hơtŏk loi dơ̆ng pơma dơnuh khŭl rim kơdră kơpal vă hơtŏk loi dơ̆ng tơdrong lui ngeh chĭnh trĭ, pơm tơdrong ‘lơ̆ng hơtŏk tơiung pơvei lơ tơdrong đơ̆ng Việt Nam păng Iran. 

Lơ̆m tơdrong jang mŭk drăm, Kơdră Kuôk hô̆i athei 2 păh hơtŏk loi dơ̆ng pơm tơdrong hiôk ăn dôm tơmam pran đơ̆ng băl, mă loi ‘noh jĭ tơmam đơ̆ng choh jang sa, ka hơdang mơ̆t lơ̆m anih tĕch mơdro 2 teh đak; hơtŏk loi dơ̆ng pơgơ̆r dôm tơdrong jang pơtrŭt mơdro sa, tơmơ̆t jên jang, tơgoăt anih mơdro sa, tơring 2 teh đak; pơtrŭt jang hơdai pơtho pơhrăm, khoa hŏk - kơmăy kơmŏk, joh ayŏ - kơ dŏ soang.