Ƀar kơdră chĕp kơ̆l tơƀôh đon chơt hơiă păng lăng ‘lơ̆ng dôm jơnei gĭt kăl lơ̆m tơdrong pơvei jang hơdai Việt Nam - Lào pơma atŭm păng jang hơdai đơ̆ng kuôk hô̆i 2 teh đak pơma hơdrô̆; pơma hơdăh tơdrong gĭt kăl đơ̆ng tơdrong tŭn pran jang hơdai mơdro sa, tơmơ̆t jên jang, hơtŏk loi dơ̆ng tơgoăt hơdai mŭk drăm, tơgoăt hơdai trong nơnăm, pơtrŭt pơtho pơhrăm, joh ayŏ păng tơƀơ̆p pơma dơnuh đơ̆ng kon pơlei; hơdai hăm drơ̆ng nơ̆r kăl kơ hơnơ̆ng bơngơ̆t truh, hơmet pơ ‘lơ̆ng mơmat tat, tơhlăk tơhlĭn ăn dôm anih mơdro sa păng dôm tơdrong jang hơdai gĭt kăl đơ̆ng 2 teh đak.

Ƀar păh drơ̆ng nơ̆r tơgŭm tŭn pran pơma dơnuh dôm ‘măng năm ngôi, tơƀơ̆p băl đơ̆ng kơdră chĕp kơ̆l Kuôk hô̆i păng đơ̆ng dôm Anih jang kơ Kuôk hô̆i 2 teh đak; hơnơ̆ng hơtŏk loi dơ̆ng jang hơdai, vang tơgŭm tơdrong hlôh vao đơ̆ng 2 anih jang pơjing khôi luơ̆t.