Kơdră Kuôk hô̆i Vương Đình Huệ pơma hơdăh, kơlih gơnang đơ̆ng dôm tơdrong jang tơgŭm, trong jang trŏ ƀlep, tơtom, tam mă ƀiơh đei lơ̆m khei ‘năr âu ki, lăng akŏm đĭ đăng 1 puăt jăl jang âu ki, Việt Nam hlôi kơjăp yak hloh mơmat tat, long nol tơ̆ hơnăp “ dôm tơdrong mơmat tat” păng iŏk đei lơ jơnei gĭt kăl, tôm tơdrong.

Kiơ̆ Kơdră Kuôk hô̆k, kiơ̆ đơ̆ng dôm ‘măng rơhiŭng rơhiăng, dôm tơdrong mơmat tat, long nol, roi ‘năr roi hlôh băt hơdăh hloh tơdrong gĭt kăl păng hơnăp jang tơmơ̆t đơ̆ng lơ̆m teh đak, tơdrong hơdrin kơdih, pơm tơngla kơdih lơ̆m hơtŏk tơiung mŭk drăm. Hơtŏk ‘lơ̆ng tơdrong jang lơ̆m teh đak, pơm pơjing tơdrong ‘lơ̆ng jang tŏk ‘noh jĭ ‘meh vă ‘lơ̆ng, kăl vă vei sơđơ̆ng tơdrong hơnơ̆ng, sơđơ̆ng, kơjăp, tơgŭm teh đak tơgĕch iŏk yua tơdrong hiôk, yak hloh long nol, pơm rơ hơi, tơmam jang,chĭu pŭ tơ̆ hơnăp dôm tơdrong rơhiŭng rơhiăng đơ̆ng găh ‘ngoăih, hơdai hăm tơgŭm mŭk drăm jang tŏk, yak truh hơtŏk tơiung kơjăp ‘lơ̆ng.