Pơma tơ̆ hơnăp dôm bơngai hlôh vao jrŭ, bơngai tơchĕng hơlen, Kơdră Kuôk hô̆i Vương Đình Huệ hlôi tơroi găh tơdrong kơ Việt Nam păng trong năm tŏk. Kơdră Kuôk hô̆i pơma hơdăh 03 ƀai hŏk tơm đei lăng kiơ̆ đơ̆ng yan âu kơ Việt Nam, ‘noh jĭ jang kiơ̆ kơ jăp hơnăp jang chĕp kơ̆l đơ̆ng Đảng, Khŭl kơdră teh đak, Kuôk hô̆i Việt Nam  hăm jơhngơ̆m đon iŏk kon pơlei pơm tơm.

Pơma hơdăh, yak truh 1 khei ‘năr tơ̆ năp kơnh Rơngei păng Hơtŏk tơiung hăm trĕng lăng 50 sơnăm truh ăn tơdrong pơvei đơ̆ng 2 teh đak, Kơdră Kuôk hô̆i Vương Đình Huệ athei Việt Nam – Iran vang tơgŭm hơmet ming 4 tơdrong tơgoăt, ‘noh jĭ tơgoăt trong jang pơma dơnuh păng jang hơdai. Kiơ̆ Kơdră Kuôk hô̆i Vương Đình Huệ, lui ngeh chĭnh trĭ ‘noh jĭ tơdrong gĭt, jĭ tơdrong ‘lơ̆ng vă jang hơdai 2 păh ‘lơ̆ng hloh.