Tơ̆ jơ sơng, Kơdră Kuôk hô̆i Vương Đình Huệ păng dôm Thượng nghị sĩ Mi hlôi pơma dơnuh tơpăt păng drơ̆ng 1 nơ̆r ‘lơ̆ng găh lơ tơdrong lơ̆m jang hơdai 2 teh đak păng 2 Kuôk hô̆i tơ̆ hơnăp kơnh.

Kơdră Kuôk hô̆i Vương Đình Huệ tơƀôh jơhngơ̆m đon ‘meh vă Kuôk hô̆i 2 teh đak hơnơ̆ng pơih xă jang hơdai lơ trong jang pha ra băl vă dôm nghị sĩ Mi păng bơngai tang măt Kuôk hô̆i Việt Nam hlôh băt dơ̆ng găh tơdrong 2 teh đak păng tơdrong pơvei 2 pang, mă loi ‘noh jĭ đơ̆ng dôm nghị sĩ mơlôh; pơtrŭt pơjing trong jang pơma dơnuh băl, jang hơdai đơ̆ng Kuôk hô̆i 2 teh đak, đơ̆ng dôm anih joăt jang păng jăh pơjing Grŭp dôm nghị sĩ tơgŭm tơdrong pơvei Việt Nam - Mi tơ̆ Kuôk hô̆i Mi; tơchĕng hơlen pơ jing trong jang pơma dơnuh băl, bơ̆jang tơpă đơ̆ng dôm Anih joăt jang kơ Kuôk hô̆i Việt Nam păng Kuôk hô̆i Mi.