Tơ̆ jơ tơƀơ̆p muh măt, dôm bơngai tang măt Việt Nam tơ̆ 1,2 tơring hlôi roi tơbăt găh tơdrong jang đơ̆ng anih jang tang măt Việt Nam tơ̆ anih jang dang ei, tơdrong pơvei đơ̆ng Việt Nam hăm dôm teh đak, pơma hơdăh dôm jơnei ‘lơ̆ng hơiă lơ̆m dôm ‘măng năm ngôi đơ̆ng Kơdră Kuôk hô̆i Vương Đình Huệ truh tơ̆ dôm teh đak khei ‘năr âu ki hlôi tơgop gĭt kăl lơ̆m pơtrŭt tơdrong pơvei Việt Nam hăm dôm teh đak, pơm ‘lơ̆ng gĭt kăl dôm tơdrong jang hơdai tơroi tơbăt, pơm tơdrong ‘lơ̆ng, pơih ăn dôm tơdrong jang hơdai ‘nao.

Iung pơma tơ̆ jơ tơƀơ̆p, Kơdră Kuôk hô̆i Vương Đình Huệ tơƀôh đon chhôk hơiă sơng kơkuh kơ dôm Bơngai tang măt, Kơdră anih jang tang măt jang tơbôl Việt Nam tơ̆ teh đak đe, pơma hơdăh tơdrong jang tơbôl khei ‘năr âu ki hlôi iŏk đei lơ jơnei gĭt kăl, jing 1 hơnih hơdăh ‘lơ̆ng lơ̆m pơđĭ dôm jơnei atŭm kơ teh đak dôm sơnăm âu ki. Mă loi ‘noh jĭ lơ̆m tơdrong apŭng plĕnh teh đei ƀôh krê hơmơt, ưh kơ ê, mă lei tơdrong jang tơbôl hlôi iŏk đei lơ jơnei pơđĭ găh 2 pang, lơ pang, hơgei lơ̆m pơm hơtŏ tơdrong gĭt kăl, vei kơjăp hơnih rơngei ăn hơtŏk tơiung, mơ̆t jang hơdai hăm apŭng plĕnh teh jrŭ să.