Kơdră Kuôk hô̆i Vương Đình Huệ pơma hơdăh, Việt Nam lăng ‘lơ̆ng ILO lơ̆m tơdrong tơgŭm Việt Nam tơchĕng hơlen, kĭ ăn, pơtrŭt bơ̆jang kiơ̆ dôm tơdrong pơkăp ‘lơ̆ng bơ̆jang, mă loi ‘noh jĭ dôm tơdrong tơchơ̆t ‘nao kĭ ăn tơ jê̆ âu. Kơdră Kuôk hô̆i  pơma hơdăh, hơtŏk tơiung kơ jăp lơ̆m đĭ đăng dôm tơdrong jang mŭk drăm, tơpôl, cham char ling lang jing trong jang ‘lơ̆ng đơ̆ng Việt Nam. Việt Nam tơlĕch trong jang pơjing tơdrong pơvei bơngai jang lăp, sơđơ̆ng păng hơgei.

Teh đak pơm hơnăp jang ‘noh tơm, jang hơdai đơ̆ng bơngai chă bơngai jang păng bơngai jang. Kơdră dơnơm ILO tơbăt, tang măt dôm anih jang Liên Hợp Quốc tơ̆ Việt Nam vang tơroi 1 lơ̆m dôm long nol tŏk bŏk tơƀơ̆p ƀơm ‘noh jĭ 1,2 tơdrong jang hơdai hơtŏk tơiung tŏk bŏk đei prăh brư tơmam, jên jang yua đơ̆ng tơdrong hiơ̆ lơ̆m pơm hla ar tơmơ̆t jên jang. Pơma hơdăh, dôm anih jang Liên Hợp Quốc kŭm tŏk bŏk jang đĭ đăng dôm tơdrong kiơ kĕ jang vă pơtrŭt tơdrong bơ̆jang kiơ̆ dôm tơdrong jang ‘nâu.