Ƀok Vương Đình Huệ pơma hơdăh, Kuôk hô̆i Việt Nam tơgŭm, khŏm pơm tơdrong ‘lơ̆ng hiôk ăn dôm tơdrong jang tơmơ̆t jên jang, pơm tơlĕch, tĕch mơdro đơ̆ng tơpôl anih mơdro sa lơ̆m păng ‘ngoăih teh đak, lơ̆m noh đei dôm anih mơdro sa Hàn Quốc păng Grŭp jang Samsung; gô vang yak hơdai păng pơm tơdrong hiôk vă Grŭp jang tơlĕch jang dôm tơdrong jang tơmơ̆t jên jang tĕch mơdro đei iŏk yua, jơnei păng kơjăp tơ̆ Việt Nam.

Kơdră dơnơm vei lăng jên hu Grŭp jang Samsung Electronics Park Hark Kyu ‘meh vă Việt Nam gô hơnơ̆ng tơplih ‘lơ̆ng  hơnih tĕch mơdro tơ̆ hơnăp kơnh. ‘Măng âu, ƀok Park Hark Kyu pơma dơnuh hăm Kơdră Kuôk hô̆i Vương Đình Huệ găh 1,2 tơdrong ‘noh jĭ tơdrong bơngơ̆t truh đơ̆ng grŭp jang.