Tơ̆ âu, Kơdră Kuôk hô̆i hlôi sơng Kơdră pơlei tơm Burgas Dimitar Nikolov păng Phŏ kơdră pơlei tơm, kơdră kơ dôm Anih jang lơ̆m pơlei tơm. Kơdră Kuôk hô̆i sơkơ̆t hơdah, lơ̆m hloh 73 sơnăm kơ âu, Việt Nam hơnơ̆ng tơgĭt tơdrong tơgŭm đơ̆ng Bulgaria pơma atŭm păng đơ̆ng pơlei tơm Burgas pơma hơdrô̆. Lơ̆m ‘măng năm tơmang mă âu, tơ̆ dôm tơdrong pơma đam hăm Kơdră Kuôk hô̆i, ƀok Kơdră tehd dak păng Thủ tướng, atŭm hăm dôm tơdrong tơƀơ̆p nai, 2 pah adoi drơ̆ng nơ̆r hơtŏk tơbôl jang hadoi lơ̆m tôm tơdrong jang Đảng, Jơnŭm pơgơ̆r teh đak, Kuôk hô̆i, akŏm pơma dơnuh kon pơlei, tơring hăm tơring.

Kơdră Kuôk hô̆i tơroi hăm Kơdră pơlei tơm Burgas gah dêh char Quảng Ninh hrei âu, ‘nâu jing minh lơ̆m dôm tơring đei hơtŏk tơ-iung tenh hloh kơ Việt Nam ăn tơbăt, đơ̆ng rŏng kơ ‘măng năm tơmang âu gô pơgơ̆r dêh char Quảng Ninh dah hrôih pơtoi dôm tơdrong jang kơ 2 pah; atŭm hăm noh hơvơn Ƀok Kơdră pơlei tơm păng đe kơdră kơpal năm tơmang Việt Nam, năm tơmang dêh char Quảng Ninh vă hơtŏk tơdrong jang tơbôl kơ 2 tơring, mă kăl noh lơ̆m tơdrong jang tơmang pơhiơ̆.