Sơng pơma dơnuh hăm Anih jang TCL, ƀok Wang Cheng, Kơdră pơgơ̆r Anih jang ăn tơbăt, tơ̆ Việt Nam, TCL hlôi asong man 3 hnam kơmăi pơm jang tơ̆ Bình Dương păng Quảng Ninh hăm kơsô̆ jên asong jang hloh 100 trĭu đôlar păng pơkăp pơm tơlĕch 6 trĭu tơmam drăm lơ̆m minh sơnăm. Lơ̆m khei năr truh, Anih jang TCL gô pơih să tơdrong jang păng ming man dôm hnam kơmăi ‘nao, tơroi ăn dôm anih asong pơm jang truh Việt Nam, vă keh đang tơdrong asong tơmam drăm.

Kơdră Kuôk hô̆i Vương Đình Huệ bơnê kơ tơdrong ‘meh pơjing anih jang tơlĕch pơm jang đơ̆ng TCL tơ̆ Việt Nam. Tơ̆ jơ sơng pơma dơnuh hăm ƀok Trương Thiên Nhiệm, Kơdră adoi jang Ƀĭ thư jang Đảng kơ Anih jang păng rim kơdră kơpal nai kơ Anih jang Tianneng, Kơdră Kuôk hô̆i hmach bơnê kơ anih jang rơih iŏk Việt Nam pơm anih asong jang; hơpơi ‘meh tơdrong pơm jang dah hrôih tơmơ̆t jang, tơgop lơ̆m tơdrong hơtŏk tơ-iung kơ tơring adoi nhen kơ Việt Nam, hơtŏk tơdrong jang hadoi gah tĕch pơdro, asong jang đơ̆ng Việt Nam – Trung Quốc.