Tơ̆ ‘măng tơƀơ̆p, 2 pah akhan, tơdrong mă 2 pah hơtŏk jang tơbôl tôm tong hlôi pơm trong păng pơih đei cham char ‘nao vă 2 teh đak hơtŏk jang hadoi tôm anih jang Đảng, Teh đak, Kuôk hô̆i păng akŏm pơma dơnuh kon pơlei; lơ̆m tôm tơdrong jang, lơ̆m noh tơdrong jang dơnơm nhen tơplih ‘nao gơh hơgei, kơ̆l ‘ngok hơgei, pơtho pơhrăm bơngai jang, pơm tơlĕch chíp, bán dẫn, tơplih unh hơyuh, tơplih pơ-‘lơ̆ng unh hơyuh, tơplŏng kơdâu, jang tơbôl kon pơlei kiơ̆ tơdrong pơtho pơhrăm.

Việt Nam bơnê kơ Hoa Kỳ tơgŭm đon pơkăp đơ̆ng Việt Nam păng ASEAN tơrĕk truh Biển Đông; hơpơi ‘meh Kuôk hô̆i Hoa Kỳ gô pơtoi tơrĕk truh tơpôl Biển Đông; pơtoi tơgŭm Việt Nam păng dôm teh đak lơ̆m tơring hơtŏk hơbĕch lơ̆m tơdrong chơ pơdŭ tơmam drăm kiơ̆ đak dơsĭ; pơtrŭt dôm anih jang mŭk drăm gah đak dâu hơyuh soh Hoa Kỳ pơm kiơ̆ dôm tơdrong chă hơlen sir kôch trŏ ƀlep lơ̆m tơring jang mŭk drăm kăp gĭt kơ teh đak Việt Nam.