Tơ̆ jơ tơƀâp, lơ bơngai tăh hla apŭng Vĩnh Bảo tơrĕk truh dôm tơdrong nhen: cham char; tơdrong tơgŭm tŏk iŏk jên; vei lăng tơring kơdrâm; tơproh trong jang; jang pơgang; jŏh ayŏ kơ dŏ xoang, chă tơmang lăng; choh jang xa, kon pơlei jang chŭn mir, tơring tơrang; dôm tơdrong tơgŭm chĕp vei, tưk tơiung pơlei đei tơdrong jang so.

Kơdră Kuô̆k hô̆i Vương Đình Huệ tơroi, lơ̆m khei 7 ‘nâu, Anih chĕp kơ̆l pơgơ̆r Kuô̆k hô̆i vă tơlĕch tơdrong tơchơ̆t, Khul kơdră tĕh đak, dôm anih tơm, anih jang kơpal, tơring tơrang kŭm tơlĕch trong jang vă bơ̆ jang ‘lơ̆ng tơdrong chĕng hơmet ming tơring, anih vei lăng tơ̆ hơnăp kơnh.

Kơdră Kuô̆k hô̆i Vương Đình Huệ iung pơma, tơblang hơdăh dôm tơdrong mă bơngai tăh hla Vĩnh Bảo pơma tơlĕch, atŭm hăm ‘nŏh pơma hơdăh, dôm anih jang kơ Kuô̆k hô̆i vă tơchĕng hơlen, chih iŏk nơ̆r tơgop đơ̆ng bơngai tăh hla, tơroi ăn Kuô̆k hô̆i, Anih chĕp kơ̆l pơgơ̆r Kuô̆k hô̆i tơchơ̆t; gơih ăn dôm anih jang kơpal hơlen năng, sek tơlang dôm tơdrong kiơ̆ hơnăp jang păng Khul tang măt Kuô̆k hô̆i plt vă dăr lăng rim tơdrong jang kiơ̆ tơdrong hơgăt.