Iung pơma tơlĕch jang ‘Măng krao hơvơn, Phŏ Kơdră Kuôk hô̆i Trần Quang Phương tơbăt, Ban Bí thư hlôi athei tơmơ̆t tơdrong jang Tơbăt 80 sơnăm Năr Pôk rơih mă blŭng Kuôk hô̆i Việt Nam lơ̆m akŏm đĭ đăng dôm năr lêh tih păng tơdrong jang jơhnơr arih gĭt kăl kơ teh đak lơ̆m 3 sơnăm 2023 - 2025.

Akhan, pơcheh găh dôm anih jang kon pơlei pôk ‘noh tơdrong jang hơnat, Phŏ Kơdră Kuôk hô̆i Trần Quang Phương lui ngeh, dôm jơnei tih tên kơ 80 sơnăm Kuôk hô̆i Việt Nam kŭm hăm dôm jơnei ‘lơ̆ng, dôm tơdrong tơplih ‘nao lơ̆m tơdrong jang đơ̆ng Kuôk hô̆i, Jơnŭm pơgơ̆r kon pơlei. Tơ̆ lêh tơlĕch jang, Kơdră Kuôk hô̆i Vương Đình Huệ kŭm hăm dôm bơngai tang măt kơtĭt kơmăy pơtơm tơlĕch jang ‘Măng krao hơvơn pơcheh ƀai hơri găh Kuôk hô̆i păng Jơnŭm pơgơ̆r kon pơlei.