Kơdră Quốc hội Esteban Lazo Hernandez plang pơyơ̆r pơkao ƀât Rup man ƀok Fidel Castro lơ̆m cham Hnam pơgang Tơbôl Việt Nam – Cuba Đồng Hới, pơma nuh hăm lơ bơngai jĭ oei hơmet tơ̆ hnam pơgang, năm ngôi tơ̆ khoa hơmet jĭ ăn hơioh păng hơpăh tơmam ăn đe hơiŏh jĭ oei hơmet tơ̆ âu.

Pơma nuh hăm bơngai jĭ oei hơmet tơ̆ hnam pơgang, Kơdră Quốc hội tĕh đak Cuba pơma dơ̆ng ‘măng năm hơpong tôch gĭt kăl đơ̆ng ƀok Kơdră Fidel Castro tơ̆ tơring rơngei, jơhngâm đon ‘lơ̆ng mă ƀok pơtruh ăn kon pơlei Việt Nam. Kơdră Quốc hội tĕh đak Cuba pơma hơdăh, Hnam pơgang Tơbôl Việt Nam - Cuba Đồng Hới ling lang jĭ um rup tơƀôh ăn tơdrong tơbôl, mât mĭnh jơhngâm đon đơ̆ng 2 tĕh đak Việt Nam-Cuba.