Pơma nơ̆r pơtho lơ̆m jơ bơ̆ jang, Kơdră Quốc hội Vương Đình Huệ akhan, tơdrong tơroi ăn Quốc hội set hơlen, pơdrơ̆ng nơ̆r ăn Luơ̆t Anih tơm (oei chih hơmet) păng tơgop nơ̆r ăn tơdrong Tơproh trong jang ăn Anih tơm, Tơdrong chĕng hơmet ming Anih tơm lơ̆m 1 ‘măng Hop akŏm gô pơjing đei Trong pơgơ̆r jang tôch gĭt kăl ăn Anih tơm jang tŏk.

Dôm tơdrong ‘nâu vă chih hơdăh đon tơchĕng, trong vă jang păng đon pơhnŏng lơ̆m dôm Tơdrong tơchơ̆t đơ̆ng Đảng, mă loi jĭ tơdrong Tơchơ̆t đơ̆ng Anih tơm Chinh trĭ găh trong vă jang, tơdrong jang atŏk tơiung Anih tơm Hà Nội truh sơnăm 2030, trong vă jang truh sơnăm 2045 păng nơ̆r pơtho đơ̆ng Tổng Bí thư Nguyễn Phú Trọng hăm tơdrong pơjing, atŏk tơiung anih tơm.