Tơ̆ jơ tơƀâp, bơngai vang pơm Kơ dră Anih vei lăng mŭk drăm Nhật - Việt păng dôm bơngai lơ̆m khul hơpơi ‘mĕh hơnơ̆ng tơgop ăn tơdrong pơvei kơ 2 teh đak; hơpơi ‘mĕh pơih xă tơdrong jang xa đơ̆ng kơdih tơ̆ Việt Nam găh dôm tơdrong nhen: pơtho khul bơngai jang rơgei găh jang kơmăy kơmŏk; jang hơdoi găh kơmăy phần mềm; pơtho pơhrăm; pơm tơlĕch unh hơyuh rơgoh...

Kơdră Quốc hội Vương Đình Huệ tơchĕng ‘lơ̆ng tơdrong pơcheh atŭm Việt Nam - Nhật Bản hlôi đei tơlĕch jang lơ̆m 20 sơnăm âu ki, athei Anih vei lăng mŭk drăm Việt - Nhật kŭm nhen Keidanren hơnơ̆ng jang hơdoi hăm dôm anih jang kơ Việt Nam hơtŏk tơdrong pơma nuh găh tơdrong tơgŭm, roi tơbăt rim tơdrong kăl ăn anih jang kơpal kơ Việt Nam lơ̆m tơdrong chih hơmet pơ ‘lơ̆ng khôi luơ̆t, tơdrong tơgŭm vă hơtŏk hlŏh dơ̆ng tơdrong ‘lơ̆ng tơ̆ anih tơmât jên jang xa tơ̆ Việt Nam, jĭ gơng tơƀưh tơgŭm ăn dôm anih tĕch mơdro Nhật Bản truh tơmât jên jang xa roi lơ ƀiơ̆ tơ̆ Việt Nam.