Pơma tơ̆ jơ bơ̆jang, Kơdră Quốc hội Trần Thanh Mẫn pơma hơdăh anih dơ̆ng gĭt kăl kơ Hải Phòng - ‘noh jĭ pơlei tơm tơnŏk, ‘măng tơm lĕch tơ̆ đak dơsĭ păng tơƀưh dôm trong đak apŭng plĕnh teh kơ dôm dêh char găh Tu; hui đei hơnih hơ yơ nhen Hải Phòng ‘noh jĭ hơnih tơm trong nơnăm gĭt kăl hăm tôm 5 kơ loăi: trong đak dơsĭ, trong đak lơ̆m teh đak, trong gre treng, trong teh, trong gre păr, mă loi ‘noh jĭ đei tơdrong ‘lơ̆ng tơnŏk đak jrŭ kơ na đuk kơdâu tơ̆ đak dơsĭ tôch hơtŏk tơiung.

Kơdră Quốc hội athei, Hải Phòng hơdrin tơlĕch jang kiơ̆ Trong proh hơmet pơlei tơm hăm 3 tơdrong jang tơm hơtŏk tơiung: pơvih pơvăn tơnŏk đak dơsĭ; kơmăy kơmŏk rơgoh, hơgei, ‘nao; hơnih tơmang lăng đak dơsĭ apŭng plĕnh teh; pơtrŭt tơgoăt tơring gơlang tưk tơiung mŭk drăm tŏk Hà Nội - Hải Phòng - Quảng Ninh kiơ̆ tơdrong Tơchơ̆t 30 đơ̆ng Anih tơm Chĭnh trĭ. Tŭn pran tơplih ming ‘lơ̆ng hơnih tơmơ̆t jên jang tĕch mơdro, tŭn pran hơmet ming hla ar bơ̆jang.