Gơih ăn Kơdră Quốc hội teh đak Cộng hòa Hồi giáo Iran Mohammad Bagher Ghalibaf nơ̆r hơiă tôch dêh, Kơdră Quốc hội Trần Thanh Mẫn tơƀôh đon ‘nă mưh ƀôh, khei ‘năr âu ki tơdrong pơvei ‘lơ̆ng hơiă păng jang hơdoi đơ̆ng Việt Nam - Iran pơma atŭm, đơ̆ng 2 Quốc hội pơma hơdrô̆ hơnơ̆ng đei hơmet kơjăp păng tŏk pran ‘lơ̆ng.

Kơdră Quốc hội Trần Thanh Mẫn lui akhan, tơ̆ hơnăp kơnh, tơdrong pơvei đơ̆ng 2 Quốc hội gô đei tŏk pran ‘lơ̆ng hlŏh dơ̆ng, vang tơgop hơnhăk tơdrong jang hơdoi đơ̆ng Việt Nam - Iran roi đunh roi ‘lơ̆ng yoa tơdrong đei yoa gĭt kăl đơ̆ng kon pơlei 2 teh đak.