Gơnăng hei (23/10), tơ̆ Hnam Quốc hội, Kơdră Quốc hội Trần Thanh Mẫn hlôi pơgơ̆r pơm lêh sơng Kơdră Hạ viện Malaysia. Lăp đơ̆ng rŏng kơ pơm lêh, 2 păh hlôi pơgơ̆r pơma đam, Vă hơtŏk loi dơ̆ng tơdrong pơvei Jang hơdai gĭt kăl đơ̆ng 2 teh đak, Kơdră Quốc hội Trần Thanh Mẫn athei păih Malaysia hơnơ̆ng pơtrŭt pơma dơnuh khŭl kơdră kơpal păng rim kơdră, tơlĕch jang đei trong jang, drơ̆ng nơ̆r jang hơdai dang ei đei, tơgop hơmet ming đon lui gĭt kăl 2 teh đak.

2 păh jăh hơnhăk jên mơdro sa 2 pang đei 18 ti Đô la Mi kiơ̆ trong hơtŏ băl; pơm tơdrong hiôk răt tơmơ̆t, tĕch tơlĕch păng pơm dă ƀiơ̆ iŏk yua dôm tơdrong pơgăn mơdro sa.