Tơ̆ Hnam Quốc hội, đơ̆ng rŏng kơ lêh sơng, 2 păh pơgơ̆r pơma đam. Tơ̆ jơ pơma đam, hăm jơhngâm đon tơpăt ‘lơ̆ng, chơt rơhău, boăl juăt, mât 1 ƀơ̆r đon gĭt kăl, ‘lơ̆ng hơiă, 2 ‘nu ƀok kơdră Quốc hội pơma truh dôm tơdrong jang tŏk tơ̆ rim teh đak.

Lơ̆m ‘măng năm tơmang lăng âu, 2 păh tơlĕch tơdrong Tơchơ̆t atŭm Việt Nam - Cuba hăm đon pơhnŏng hơnơ̆ng tưk tơiung tơdrong pơvei ăn 2 teh đak tŏk pran ‘lơ̆ng hlŏh dơ̆ng, đei yoa păng kơjăp đunh, kiơ̆ jơhngâm đon vang yak hơdoi, jang hơdoi, vang tŏk hơdoi, yoa tơdrong jang tŏk pran păng pơjing chủ nghĩa xã hội, yoa tơdrong đei yoa kơ kon pơlei 2 teh đak, yoa tơdrong rơngei, jang hơdoi păng jang tŏk tơ̆ tơring păng lơ̆m apŭng plenh teh. Kiơ̆ đơ̆ng noh, Việt Nam păng Cuba athei jang hơdoi mă kơjăp, tơlĕch jang đei yoa dôm trong jang hơdoi găh choh jang xa, tơmât jên jang, dôm nơ̆r pơkăp păng tơdrong drơ̆ng nơ̆r đơ̆ng kuan tih teh đak.