Tơ̆ jơ tơƀơ̆p, Kơdră Quốc hội pơma hơdăh, dôm teh đak tơjê̆ Đông Nam Á păng ASEAN đei anih dơ̆ng gĭt kăl, jing tơgŭm hơdrol păng jing teh đak ưh kơ gơh tơklăh hơdrô̆ lơ̆m trong jang tơgŭm tơbôl đơ̆ng Việt Nam.

Kơdră Quốc hội Trần Thanh Mẫn pơma hơdăh: "Việt Nam ‘meh vă pơtrŭt păng pơih să hloh dơ̆ng tơdrong pơvei jang hơdai lăp hăm tơdrong jang hơdai 2 pang hăm rim teh đak jang lơ̆m ASEAN, mă loi ‘noh jĭ dôm tơdrong jang hơdai tơmam ‘lơ̆ng, pơm lăp hăm ‘meh vă hơtŏk tơiung, yua kơ đei iŏk yua tơpă păng tơdrong hơnŭk hơnoa đơ̆ng rim teh đak, hơdai hăm tơgŭm kĕ druh kiơ̆ trong jang hơtŏk tơiung atŭm kơ apŭng plĕnh teh. Ĭnh lui ngeh akhan, tơdrong hơmet ming đon lui, tơgoăt 1 jơhngơ̆m đon, hơ tŏk ‘lơ̆ng ăn tơdrong jang tơbôl, pơvei jang hơdai, tơklep đơ̆ng Việt Nam hăm rim teh đak jang lơ̆m ASEAN kŭm gô tơgop gĭt kăl lơ̆m tơdrong hơtŏk tơiung pran kơjăp, hơnŭk hơnoa atŭm kơ tơpôl ASEAN".