Kơdră Quốc hội Trần Thanh Mẫn pơma hơdăh, kơdră chĕp kơ̆l Quốc hội Việt Nam ling lang bơngơ̆t truh păng lăng ‘lơ̆ng hơnăp jang đơ̆ng Anih jô̆ hơlen jên teh đak Việt Nam lơ̆m tơdrong hơtŏk ‘lơ̆ng đei yua vei lăng jên hu, mŭk tơmam teh đak, chă ƀôh păng sek phak dôm tơdrong pơm glăi, tang găn hiong mŭk tơmam teh đak păng mă loi ‘noh jĭ tơgop lơ̆m tơdrong rơđăh, lui ngeh đơ̆ng jên hu teh đak.

Kơdră Quốc hội ‘meh vă, Anih Jô̆ hơlen jên teh đak Việt Nam hơnơ̆ng hơdrin, kơchăng, jing gơng tơƀưh gĭt kăl tơgop lơ hloh dơ̆ng lơ̆m tơdrong hơtŏk tơiung atŭm đơ̆ng tơpôl jô̆ hơlen jên teh đak lơ̆m tơring păng lơ̆m apŭng plĕnh teh; dôm anih jang lơ̆m apŭng plĕnh, Anih jô̆ hơlen jên kơ dôm teh đak lơ̆m tơring păng apŭng plĕnh teh; tơgŭm Anih Jô̆ hơlen jên teh đak Việt Nam jang đang hơnăp jang đei kơdră chĕp kơ̆l Đảng păng teh đak Việt Nam pơjao ăn kŭm nhen jang đang dôm hơnăp jang hăm tơpôl apŭng plĕnh teh.