Pơma pơih blŭng hop akŏm, Kơdră Quốc hội Trần Thanh Mẫn pơma hơdăh, Hop akŏm nghị viện găh jang hơdoi kơ Khul yoa nơ̆r Phalăng ‘măng mă âu jĭ 1 lơ̆m dôm tơdrong jang đơ̆ng nghị viện grŭp yoa Nơ̆r Phalăng đơ̆ng rŏng kơ Hop akŏm tih Paris.

Quốc hội Việt Nam hơpơi ‘mĕh kiơ̆ đơ̆ng tơdrong jang ‘nâu vang tơgop pơm hơtŏk tơdrong jang hơdoi đơ̆ng khul yoa Nơ̆r Phalăng: kiơ̆ kơ ‘nŏh pơlung, tơgŭm ăn dôm tơdrong jang hơdoi găh khoa hŏk, kơmăy kơmŏk, tơplih ‘nao, pơchĕh rơgei, hơtŏk tơdrong jang mŭk drăm kơsô̆, iung jang xa, tưk tơiung tơdrong jang hơdoi đơ̆ng teh đak hăm anih jang kơdih; roi tơbăt nơ̆r Phalăng, hơtŏk tơdrong jŏh ayŏ kơ dŏ xoang; păng pơma truh đon pơhnŏng đơ̆ng dôm teh đak yoa nơ̆r Phalăng vă bơ̆ jang atŏk tơiung pran kơjăp, vei lăng ‘lơ̆ng tơdrong jang tŏk, sut pơđĭ pơngot, tơjur tơnuh hin păng vei lăng cham char.