Pơma pơih blŭng jơ pơma đam, Phó Thủ tướng Trần Lưu Quang hôn bơnê păng tơchĕng ‘lơ̆ng tơdrong adrin đơ̆ng dôm pang đei ƀơm truh vang jang hơdoi pơgơ̆r pơma đam; atŭm hăm ‘nŏh pơma hơdăh tơdrong gĭt kăl đơ̆ng jang hơdoi mŭk drăm – tĕch mơdro – tơmât jên jang pơma atŭm păng jang hơdoi đơ̆ng tơpôl anih tĕch mơdro kơ 2 teh đak.

Tơ̆ jơ pơma đam, bơngai tang măt ăn 2 teh đak pơma nuh găh dôm tơdrong jang đei, ƀai hŏk kăp gĭt găh vei jên păng tơmam teh đak tơ̆ Trung Quốc; ƀai hŏk kăp gĭt đei chih iŏk păng dôm tơdrong đei tơlĕch vă hơmet ming anih tĕch mơdro kơ teh đak tơ̆ Việt Nam păng dôm tơdrong tih nai đei tơrek truh; vang pơma nuh vă hơtŏk loi dơ̆ng hơnăp jang păng kơjă kăp gĭt đơ̆ng Anih tĕch mơdro kơ teh đak hăm tơdrong jang mŭk drăm tơ̆ rim teh đak pơma hơdrô̆, jang hơdoi găh mŭk drăm kơ 2 teh đak pơma atŭm.