Pơma tơ̆ jơ pơm lêh, Phŏ Thủ tướng Nguyễn Hòa Bình pơma hơdăh, tơdrong jơnei đơ̆ng VSIP Quảng Ngãi jing 1 tơdrong hơiă, tơƀôh hơdăh ‘lơ̆ng ăn tơdrong tơgop ‘lơ̆ng lơ̆m tơdrong jang hơtŏk tơiung mŭk drăm tơpôl kơ dêh char Quảng Ngãi.

Vă tơdrong jang tơmơ̆t jên jang ming man păng tĕch mơdro anih jang kăl Hơnih jang kơmăy kơmŏk VSIP II Quảng Ngãi đei tơlĕch jang ƀlep khei ‘năr păng iŏk đei dôm jơnei nhen hơmŏ, Phŏ Thủ tướng athei Grŭp jang Sembcorp păng Becamex hơnơ̆ng hơtŏk hơtŏk đei yua tơdrong jang dôm Hơnih jang kơmăy kơmŏk, Anih kơdrơ̆m păng Pơvih pơvăn; athei tơmơ̆t jên jang, hơtŏk tơiung Hơnih jang kơmăy kơmŏk VSIP II Quảng Ngãi kiơ̆ trong hơnih jang kơmăy kơmŏk hơgei, ‘nao păng kơjăp, yak truh pơjing dôm cham char jang kơmăy kơmŏk - tơplih ‘nao pơcheh hơgei - anih kơdrơ̆m - pơvih pơvăn - kơmăy kơmŏk ‘nao; hơdai hăm băt hơdăh tơdrong jang kơmăy kơmŏk ‘nao athei vei sơđơ̆ng hơtŏk tơiung lăp hăm tơpôl, anih jang kăl păng hơtŏk tơiung mŭk drăm hơgei ăn tơring.