Pơma tơ̆ jơ bơ̆ jang, Kơdră Quốc hội Vương Đình Huệ tơchĕng ‘lơ̆ng đon tơpăt đơ̆ng kơdră chĕp kơ̆l dêh char Gia Lai mưh ưh đei ôn dôm tơdrong pơmat tat, ưh kơlăp đơ̆ng dêh char păng akhan, năng tơpăt vă gơ̆h lăng ƀôh dôm tơdrong tam mă jang đei vă adrin hơmet pơ ‘lơ̆ng, ‘nŏh jĭ tơdrong tôch gĭt kăl.

Hăm jơhngâm đon ưh kơ đei lê̆ “ƀât blŭng sơnăm ngơ nơ̆i, hơtuch sơnăm hăt hot”, Kơdră Quốc hội tơtă ăn dêh char bơ̆ jang đei tơdrong hơgăt hơtŏk mŭk drăm dêh char lơ̆m sơnăm 2024; hơmet pơ ‘lơ̆ng dôm tơdrong tam mă pran găh rim tơdrong nhen pơtho pơhrăm; hơtŏk khul kăn ƀô̆ chĕp kơ̆l, mă loi jĭ kăn ƀô̆ drŏ kăn păng khul kăn ƀô̆ chĕp kơ̆l tơ̆ xăh; bơ̆ jang ‘lơ̆ng tơdrong hơmet ming trong pơm hla ar; tơlĕch jên jang kơ teh đak; krao hơvơn, sơng bơngai tơmât jên jang găh kơmăy pơm tơmam, jang ‘long vă hơtŏk kơjă tơmam drăm, mă loi hăm dôm tơmam OCOP.