Hăm hơnăn “Hơnăp jang đơ̆ng bơngai mơlôh lơ̆m tơdrong bơ̆ jang dôm tơdrong jang tơm vă atŏk tơiung pran kơjăp kiơ̆ đơ̆ng Tơplih hăm kơmăy sô̆ păng Tơplih ‘nao rơgei” păng dôm jơ hôp kiơ̆ tơdrong jang, Kơdră Quốc hội Vương Đình Huệ athei, dôm bơngai tang măt vang Hop akŏm pơma nuh mă hơdăh dôm tơdrong kăl nhen athei pơm thoi yơ păng jang lơ liơ vă gơ̆h jang kiơ̆ ‘lơ̆ng păng lăp hăm khôi luơ̆t apŭng plenh tĕh, Tơdrong tơchơ̆t đơ̆ng Liên hợp quốc, ‘nŏh jĭ tơdrong tôch gĭt kăl vă vei kơjăp păng pơjing pơ ‘lơ̆ng tơdrong rơngei, jang hơdoi păng jang tŏk pran ‘lơ̆ng. Kơdră Quốc hội Vương Đình Huệ athei IPU (Grŭp Nghị viện apŭng plenh tĕh) tơchĕng hơlen, pơjing khul grŭp ngĭ si mơlôh jơ̆p plei tĕh đei đon tơplih ‘nao rơgei vă kŭm hăm băl chă pơma nuh păng hŏk iŏk dôm tơdrong kăl đơ̆ng băl.