‘Măng năm hơpong tơ̆ Indonesia mă âu đơ̆ng Kơdră Quốc hội Vương Đình Huệ gô tơgop pơm hơtŏk tơdrong pơvei jang hơdoi gĭt kăl đơ̆ng Việt Nam - Indonesia roi đunh roi đei yoa ‘lơ̆ng păng tưk tơiung tơdrong pơvei 2 pang tŏk ‘lơ̆ng hlŏh dơ̆ng tơ̆ hơnăp kơnh.

Kŭm tơ̆ Indonesia mơ̆n, Kơdră Quốc hội Vương Đình Huệ chĕp kơ̆l Khul tang măt ăn Quốc hội Việt Nam vang truh hop akŏm Khul kơdră pơgơ̆r AIPA-44 vă tơƀôh hơdăh hơnăp jang đơ̆ng Quốc hội Việt Nam, kơchăng, adrin tôch ai vang tơgop ‘lơ̆ng ăn tơdrong jang đơ̆ng AIPA. Kŭm hăm Nghị viện dôm tĕh đak AIPA hơmet kơjăp tơdrong tơguăt 1 ƀơ̆r đon păng hơnăp jang tơm đơ̆ng ASEAN, hơtŏk tơdrong pơvei đơ̆ng AIPA hăm dôm tĕh đak, tơgop ăn tơdrong pơjing Tơpôl ASEAN; hơtŏk đon jang tơnăp, nơ̆r pơma đơ̆ng AIPA hăm tơdrong rơngei, sơđơ̆ng ‘lơ̆ng păng jang tŏk.