Iran păng Việt Nam đei tơdrong pơvei tôch ‘lơ̆ng. Ưh lăp hơdrô̆ hăm dôm tơdrong jang đơ̆ng Quốc hội đĕch, mă ‘măng năm hơpong tơ̆ Iran mă âu đơ̆ng Kơdră Quốc hội Vương Đình Huệ păng Khul tang măt ăn Quốc hội tĕh đak bơ̆n oei tôch gĭt kăl vă hơmet kơjăp tơdrong pơvei, jang hơdoi hăm Iran lơ̆m chăl ‘nao găh rim tơdrong chinh trĭ - tơbôl, mŭk drăm, jŏh ayŏ kơdŏ xoang, pơtho pơhrăm, jang khoa hŏk, kơmăy kơmŏk...

Tơ̆ ‘măng năm hơpong âu, Kơdră Quốc hội Vương Đình Huệ păng Khul tang măt Quốc hội tĕh đak bơ̆n gô đei lơ ‘măng pơma đam, pơma nuh, sơng kơdră chĕp kơ̆l tĕh đak Cộng hòa Hồi giáo Iran; vang truh Hop akŏm găh tơdrong tơgŭm, trong jang, khôi luơ̆t vă hơtŏk tơdrong jang hơdoi mŭk drăm, tĕch modro păng tơmât jên jang; Hop akŏm găh trong jang, khôi luơ̆t pơm hơtŏk tơdrong jang hơdoi mŭk drăm, tĕch mơdro păng tơmât jên jang; Truh akŏm lơ̆m giĕng Jŏh ayŏ kơ dŏ xoang VN tơ̆ Iran tơbăt 50 sơnăm pơjing tơdrong pơvei.