Kơdră Quốc hội pơma hơdăh, Việt Nam ling lang năng kăl tơdrong pơvei păng jang hơdoi găh lơ tơdrong hăm Iran, 1 lơ̆m dôm tĕh đak jang hơdoi gĭt kăl kơ Việt Nam tơ̆ tơring Trung Đông, tơƀôh jơhngâm đon hơiă tơ̆ hơnăp dôm hơyak tŏk ‘lơ̆ng lơ̆m tơdrong pơvei jang hơdoi đơ̆ng 2 păh lơ̆m dôm sơnăm tợê̆ âu, mă loi lơ̆m dôm tơdrong jang chinh trĭ, tơbôl, jŏh ayŏ kơ dŏ xoang, tơdrong pơvei kơ kon pơlei.

Kơdră Mohammad Bagher Ghalibaf tơƀôh đon lui tơdrong jang hơdoi Việt Nam - Iran kŭm nhen đơ̆ng Quốc hội 2 tĕh đak gô đei hơyak tŏk pran hlŏh dơ̆ng lơ̆m khei ‘năr truh. Kiơ̆ đơ̆ng noh, 2 ‘nu Kơdră pơma nuh păng drơ̆ng nơ̆r găh dôm trong jang tôch rơđăh, đei yoa mưh bơ̆ jang hơdoi tơ̆ hơnăp kơnh lơ̆m rim tơdrong, nhen hơnơ̆ng pơgơ̆r ăn dôm khul jang kơpal chă tơƀâp, pơma nuh hăm băl, mă loi jĭ khul jang tih păng kơdră chĕp kơ̆l dôm Anih tơm, anih vei lăng bơ̆ jang mŭk drăm, dôm tơring đơ̆ng 2 tĕh đak.