Kơdră Quốc hội Vương Đình Huệ tơƀôh đon hơiă đei sơng Phŏ Kơdră Quốc hội Lào tơ̆ Việt Nam, tơmoi đơ̆ng teh đak mă blŭng truh hơpong, bơ̆ jang hăm Quốc hội Việt Nam ƀât blŭng sơnăm ‘nao 2024; pơma truh tơdrong pơvei đơ̆ng 2 Đảng, 2 teh đak păng kon pơlei 2 teh đak oei tŏk tôch ‘lơ̆ng.

Kơdră Quốc hội tơƀôh đon lui tơdrong pơma đam đơ̆ng Phŏ Kơdră Quốc hội Lào hăm Phŏ Kơdră Quốc hội Nguyễn Khắc Định păng dôm jơ bơ̆ jang hăm Anih pơvih ăn Quốc hội, Anih tơchĕng chih pơjing Luơ̆t gô iŏk đei lơ tơdrong ‘lơ̆ng, đei yoa, pơm lăp hăm tơdrong ‘mĕh vă đơ̆ng 2 khul.