Pơma nuh tơ̆ jơ tơƀâp, dôm bơngai tĕch mơdro ăn tơbăt, đei lơ tơdrong tơgop ‘lơ̆ng ăn tơdrong jang mŭk drăm, tơpôl tơ̆ Lào; hơdai hăm ‘nŏh chă tơdrong jang ăn dôm jĭt rơbâu ‘nu bơngai jang, đei jên khei hơđơ̆ng, pơm hơtŏk tơdrong arih xa, hơtŏk jên thu mong ăn teh đak Lào.

Pơma tơ̆ jơ tơƀâp, Kơdră Quốc hội bơnê kơ Quốc hội păng Khul kơdră teh đak Lào hơnơ̆ng tơrek truh, hơmet pơ ‘lơ̆ng dôm tơdrong pơmat tat ăn anih tĕch mơdro Việt Nam; hơdai hăm ‘nŏh pôk pơ ư đon adrin jang tŏk đơ̆ng anih tĕch mơdro Việt Nam, ‘nâu jĭ tơdrong tôch kăl vă gơ̆h jang xa đei.

Tơ̆ hơnăp dôm tơdrong pơmat tat hrei ‘nâu, Kơdră Quốc hội Vương Đình Huệ hơpơi ‘mĕh dôm anih tĕch mơdro Việt Nam tơ̆ Lào adrin hlŏh dơ̆ng, khŏm gô chang kơlih yoa Đảng, Quốc hội păng Khul kơdră teh đak oei adrin pơjing tơdrong ‘lơ̆ng ăn tơdrong tơmât jên jang roi đunh roi hiôk hian.