Ƀar khôi luơ̆t sơng iŏk đei nơ̆r tơgop lơ hloh đơ̆ng rim bơngai tang măt ‘noh Khôi luơ̆t  Khul kơdră chĕp pơgơ̆r tơring (hơmet ming) păng trong vă pơjing Khôi luơ̆t Ƀok thây kô pơtho. Tơgop nơ̆r lơ̆m Khôi luơ̆t Ƀok thây kô pơtho, yă Lê Thị Kim Oanh, Kơ iĕng Kơdră chĕp pơgơ̆r Hơnih vei lăng Hnam trương pơtho pơhrăm dêh char Dak Lăk akhan: Rim trong jang tơgŭm djru ‘nao, mă kăl hăm ƀok thây kô mâm non, nhen ăn asong pơdơ̆h jang hrôih hloh 5 sơnăm pơtêng hăm sơnăm gơ̆h ăn asong pơdơ̆h jang, tơgŭm djru hơnih oei sa, vei lăng năng tông jơhngơ̆m jăn, pơtho pơhrăm, pơtho ming tơdrong jang ‘noh trŏ lăp hăm tơdrong ‘meh vă yan ou, pơjing jơhngơ̆m pran ăn khul ƀok thây kô pơtho sơđơ̆ng jơhngơ̆m bơ̆ jang. Kơ yuơ vei kơjăp hơpăh ăn kon jên bơ̆ jang đunh sơnăm ‘noh jing tơdrong vă tơpôl hôn bơnê păng ƀlŏk hơdơ̆r ăn dôm tơdrong tơgop ou đơ̆ng khul ƀok thây kô pơtho păng pơtrŭt ăn ƀok thây kô pơtho bơ̆ jang đunh đai tai sơnăm hăm tơdrong jang pơtho pơhrăm, đơ̆ng noh sơđơ̆ng ăn tơdrong pơtho pơhrăm gơ̆h hơgei đunh đai păng kơjăp ‘lơ̆ng.