Kơdră teh đak hmach chơt hơiă kơ bơngai tang măt hlôi jang đang hơnăp jang tơ̆ Việt Nam, tơgop pơm ‘lơ̆ng dơ̆ng tơdrong pơvei tơbôl păng jang hơdai tôm tơdrong đơ̆ng Việt Nam păng EU. Kơdră teh đak lui ngeh, kiơ̆ lơ̆m tơdrong jang ‘nao, Bơngai tang măt gô hơnơ̆ng tơgop lơ̆m tơdrong pơtrŭt tơdrong pơvei ‘lơ̆ng hơiă đơ̆ng Việt Nam păng EU.

Kơdră teh đak lăng ‘lơ̆ng Bơngai tang măt EU lơ̆m jăl jang âu ki hlôi đei lơ tơgop gĭt kăl pơtrŭt tơdrong pơvei Việt Nam-EU; mă loi ‘noh jĭ tơdrong 2 păh kĭ pơkăp EVFTA păng pơtrŭt dôm teh đak jang lơ̆m EU jăh kĭ ăn EVIPA. Kơdră teh đak ƀok Võ Văn Thưởng chhôk hơ iă tơbăt, lơ̆m ‘măng tơƀơ̆p hăm kơdră chĕp kơ̆l gĭt kăl dôm teh đak EU ‘nao âu, dôm kơdră chĕp kơ̆l tơbăt, dôm anih mơdro sa EU lăng ‘lơ̆ng hơnih tơmơ̆t jên jang kơ Việt Nam păng Việt Nam tŏk bŏk hơnơ̆ng hơdrin hơmet ‘lơ̆ng  tơdrong jang ‘nâu.