‘Năr 11/6, tơ̆ Hà Nội, Khul chĕp kơ̆l đảng Công an Trung ương, Anih tơm vei lăng Công an pơgơ̆r Hop akŏm pơjao tơdrong jang pơm Kơdră tơm vei lăng Công an đơ̆ng Đại tướng Tô Lâm, Kơdră jang lơ̆m Anih tơm Chinh trĭ, Kơdră teh đak Cộng hòa xã hội chủ nghĩa Việt Nam păng Thượng tướng Lương Tam Quang, Kơdră jang lơ̆m Trung ương Đảng, Kơdră tơm vei lăng Công an.

Pơma tơ̆ hop akŏm, Kơdră teh đak bơ̆n ƀok Tô Lâm hơiă kơ Thượng tướng Lương Tam Quang đei pôk pơm Kơdră tơm vei lăng Công an; pơma hơdăh, tơdrong ‘nâu tơƀôh hơdăh đon lui, tơdrong tơrek đơ̆ng Đảng, teh đak păng kon pơlei hăm Khul linh Công an kon pơlei, đon chih răk, tơchĕng ‘lơ̆ng hăm dôm tơdrong tơgop, plang pơyơ̆r đơ̆ng Thượng tướng Lương Tam Quang lơ̆m rim tơdrong jang đei pơjao dôm sơnăm âu ki.

Vă hơnơ̆ng pơm hơtŏk hlŏh dơ̆ng dôm tơdrong hlôi jang đei, bơ̆ jang đei jơnei ‘lơ̆ng tơdrong vei lăng sơđơ̆ng teh đak, vei kơjăp tơdrong sơđơ̆ng lơ̆m tơpôl, Kơdră teh đak bơ̆n, ƀok Tô Lâm athei tơ̆ hơnăp kơnh, khul linh Công an kon pơlei hơnơ̆ng hơmet kơjăp khul linh, bơ̆ jang đei yoa dôm tơdrong tơchơ̆t đơ̆ng Đảng, teh đak găh vei lăng tơdrong sơđơ̆ng. Đơ̆ng rŏng kơ pơjao tơdrong jang, ƀok Kơdră Lương Tam Quang vă pơgơ̆r rim tơdrong jang vei sơđơ̆ng teh đak, vei sơđơ̆ng ‘lơ̆ng ăn tơpôl păng pơjing khul linh công an kon pơlei, ‘moi kiơ̆ đon tơchĕng, nơ̆r pơtho, dôm tơdrong jang mă ƀok Kơdră teh đak oei chĕp kơ̆l pơgơ̆r, hăm đon pơhnŏng ‘nŏh khŏm bơ̆ jang đei rim tơdrong tơchơ̆t đơ̆ng Đảng.