Kơdră tơm Vladimir Putin tơchĕng ‘lơ̆ng dôm tơdrong tơgop gĭt kăl đơ̆ng rim jơhnơr sinh viên Việt Nam năm hŏk tơ̆ Nga sơ̆ ăn tơdrong pơvei jang hơdoi lơ sơnăm âu ki, tơƀôh đon hơmĕng rim jơhnơr sinh viên Việt Nam hŏk tơ̆ Nga sơ̆ hơnơ̆ng jing gơng tơƀưh vă jơhnơr mơlôh Việt Nam băt hơdăh ƀiơ̆ găh tơdrong joh ayŏ kơ dŏ xoang, teh đak păng kon bơngai Nga. 

Tơ̆ jơ tơƀâp, dôm bơngai tang măt roi tơbăt dôm tơdrong ‘lơ̆ng hơiă oei chĕp vei kơjăp lơ̆m jơhngâm đon kơ kon pơlei 2 teh đak; tơƀôh jơhngâm đon hơiă hăm tơdrong pơngơ̆t đơ̆ng Khul kơdră 2 teh đak vă kon pơlei 2 păh roi hlôh vao băl hlŏh dơ̆ng. Kiơ̆ Kơdră teh đak bơ̆n, ƀok Tô Lâm, dôm nơ̆r pơma đơ̆ng bơngai vang truh akŏm lơ̆m jơ tơƀâp ăn ƀôh mă đơ̆ng 2 teh đak hơtăih băl ră, mă lei kon pơlei Việt Nam ling lang tơrek truh tơ̆ teh đak Nga, hơiă hăm tơdrong jơnei păng jang tŏk đơ̆ng teh đak Nga, ling lang hmach thơ thou ăn teh đak Nga hơnŭk hơnoa păng jang tŏk pran hlŏh dơ̆ng.