Kơdră teh đak tơƀôh đon hơiă tơ̆ hơnăp dôm hơyak tŏk pran lơ̆m tơdrong pơvei jang hơdoi gĭt kăl Việt Nam - New Zealand khei ‘năr âu ki. Kơdră teh đak tơchĕng ‘lơ̆ng tơdrong jang hơdoi tôch kơjăp găh khul linh vei sơđơ̆ng teh đak đơ̆ng 2 teh đak, tơƀôh hơdăh đon lui băl; hôn bơnê dôm tơdrong ‘lơ̆ng lơ̆m tơdrong jang hơdoi mŭk drăm – tĕch mơdro; bơnê kơ teh đak New Zealand tơgŭm pơtho nơ̆r Anh păng dôm tơdrong jang ăn kăn ƀô̆ tơ̆ Trung ương păng tơring kơ teh đak Việt Nam.

Kơdră teh đak oei athei Khul kơdră teh đak New Zealand hơnơ̆ng pơjing tơdrong hiôk hian ăn tơpôl bơngai Việt hŏk pơhrăm, arih xa păng bơ̆ jang tơ̆ teh đak New Zealand. Bơngai tang măt Caroline Beresford tơƀôh đon hơiă mưh iŏk jang tơdrong jang tơ̆ Việt Nam. Bơngai tang măt drơ̆ng nơ̆r akhan, sơnăm 2025 jĭ sơnăm ‘lơ̆ng vă 2 teh đak hơtŏk păng pơm pơ ‘lơ̆ng hlŏh dơ̆ng tơdrong pơvei Việt Nam - New Zealand.