Tơ̆ jơ tơƀâp, kơdih kâu Kơdră tơm jang tơbôl Blinken tơƀôh jơhngâm đon ‘mêm, ơh sơ ‘ngon tơ̆ hơnăp tơdrong lôch hơchăng đơ̆ng 1 ‘nu kơdră chĕp kơ̆l băt năng hơtăih păng bơnê dôm tơdrong tơgop đơ̆ng Tổng Bí thư lơ̆m tơdrong hơmet kơjăp păng pơm hơtŏk tơdrong pơvei Việt Nam – Mi păng tơdrong pơvei đơ̆ng kon pơlei 2 teh đak. Kơdră teh đak bơnê ƀok Kơdră Blinken hlôi truh tơ̆ Việt Nam vang tơƀôh jơhngâm đon sơ ‘ngon hăm unh hnam Tổng Bí thư kơplăh jơnăr tôch ơh sơ ‘ngon âu.

Kơdră tơm jang tơbôl Blinken pơma hơdăh, Mi năng kăl tơdrong pơvei jang hơdoi gĭt kăl tôm tơdrong hăm Việt Nam păng hơpơi ‘mĕh 2 păh jang hơdoi mă kơjăp vă pơm pơ ‘lơ̆ng hlŏh dơ̆ng tơdrong pơvei 2 pang, atŭm hăm ‘nŏh lui, 2 păh gô chĕp vei păng tưk tơiung tơdrong pơvei Việt Nam-Mi roi đunh roi tŏk ‘lơ̆ng, tơdrong pơvei đơ̆ng kon pơlei 2 teh đak roi đunh ropi kơjăp nhen thoi tơdrong hơpơi ‘mĕh đơ̆ng Tổng Bí thư Nguyễn Phú Trọng.