Kơdră teh đak pơma hơdăh, EU jĭ Khul jang hơdoi tôch gĭt kăl hăm Việt Nam; lăp đon mưh ƀôh tơdrong pơvei đơ̆ng Việt Nam hăm EU khei ‘năr âu ki tŏk ‘lơ̆ng, ƀôh hơdăh kiơ̆ đơ̆ng tơdrong 2 păh hơtŏk tơdrong pơma nuh, pơtruh khul jang tơƀâp băl, pơgơ̆r tơƀâp tih; tơlĕch jang đei yoa ‘lơ̆ng lơ tơdrong drơ̆ng nơ̆r păng trong jang hơdoi.

Kơdră teh đak athei 2 păh hơnơ̆ng hơtŏk tơdrong ăn khul jang tơbâp pơma nuh hăm băl, mă loi jĭ khul jang tih; tơlĕch jang đei yoa ‘lơ̆ng tơdrong Tơchơ̆t jang hơdoi tôm tơdrong Việt Nam – EU, Tơdrong tơchơ̆t EVFTA kŭm nhen dôm tơdrong drơ̆ng nơ̆r, trong jang hơdoi nai. Kơdră teh đak oei athei EU athei dôm teh đak oei đei dơ̆ng jăh kĭ ăn tơdrong tơchơ̆t tơgŭm vei lăng jên tơmât jang kơ Việt Nam-EU; hơnơ̆ng vei lăng jên ODA ăn Việt Nam; hơtŏk tơdrong jang hơdoi găh vei sơđơ̆ng mang, sơđơ̆ng tơ̆ đak dơsĭ, tang găn sar bar tŏ ‘mi kial kơnê̆.