Pơjao hơnăn pôk “Pơlei tơm Nuih mơng” ăn pơlei tơm Hải Phòng păng pơma ah lêh tơbăt, tang măt ăn đe kơdră Đảng, Teh đak, Kơdră teh đak bơ̆n Lương Cường hmach bơnê kơ dôm tơdrong jang đei jơnei păng dôm tơdrong tơgop tih tên lơ̆m tơdrong tơblah pơrơngei kon pơlei; adoi nhen lơ̆m tơdrong jang tơplih 'nao, tơ-iung pơjing păng hơtŏk teh đak păng vei lăng kơjăp Teh đak Việt Nam XHCN đơ̆ng Anih jang Đảng, jơnŭm pơgơ̆r tơring, kon pơlei păng Khul linh pơlei tơm Hải Phòng lơ̆m  70 sơnăm kơ ou.

Kơdră teh đak bơ̆n Lương Cường lui ngeh, hăm juăt jue kơ jơhnơr hơrih nuih mơng; dôm tơdrong đei jơnei păng hlôh vao kăp gĭt đơ̆ng rŏng 70 sơnăm đei iŏk rơngei, Anih jang Đảng, jơnŭm pơgơ̆r tơring păng kon pơlei pơlei tơm Hải Phòng gô pơtoi tơguăt tơguăl, găn hloh rim tơdrong tơnap tap, akŏm pơjing pơlei tơm hơtŏk tenh, kơjăp 'lơ̆ng, pơdrŏng jơnap, gơh hơgei, dơnưp, kon pơlei đei tơdrong hơrih phĭ tơtŏ dơnŏ 'lơ̆ng.